الرئيسية / طبي / زيادة الوزن

زيادة الوزن

الصبايا النحاف يلي ماعندهن أي مشاكل صحية و حابين يزيدو وزنن اليوم البوست إلكن‍:

(أُكرر وأُعيد أنا ماني مدربة رياضة ولكن مهتمة وبقرأ كتير لمدربين وعم شارككم تجاربي وتماريني يلي كنت اتمرنها على يد مدربة)

معظم البنات بفكرو إذا أكلنا دسم وسكريات ف رح نسمن
اي رح تسمني ولكن بطريقة غلط لأن الزيادة بالوزن رح تكون دهون فقط ورح تتوضع بطريقة بشعة  بأماكن غير مرغوبة بجسمك متل الكرش والخصر وووو..
وغير هيك ممكن لاسمح الله يصير معك أمراض متل الكوليسترول والسكر .

  • لهيك لحتى تسمني بطريقةصحية وتكبري عضل‍
    لازمك نظام رياضي +نظام غذائي
  • تنظيم النوم من ٦ ل ٨ساعات باليوم
  • النظام الغذائي:
    بروتيييييين+كارب بسيط(كربوهيدرات بسيطة لحتى تنفخ العضلة)
    صبايا راجعو أول بوست نزلتو عالموقع شرحت فيه كيف ممكن تحسبي النسبة يلي بيحتاجها جسمك من البروتين والكارب والأطعمة يلي بتحتوي عهالعنصرين
    – لاااااازم يوميا تاكلي ٦ وجبات غنية بالبروتين والكارب بإلاضافة للعناصر الغذائية المفيدة
    وإلا مابتستفيدي شي من رياضتك وبتهدمي عضلاتك

النظام الرياضي: بتتمرني٣ إيام بالأسبوع فقط لمدة ساعة

  • ١- أول شي بتلعبي كارديو لمدة ١٥ دقيقة
    تمارين الكارديو كتار متل (المشي ع جهاز المشي أو جهاز الغزالة أو….) أو أي تمارين إحماء  ضروري جداً
  • ٢-  تمارين مقاومة(حديد)
    لاااازم تتمرني حدييييييد كتير مهم لتبني عضل وبلشي بأوزان خفيفةةةةة أول شهر وبعدا زيدي بالتدريج
    لأنو هي يلي رح ترتبلك جسمك وتشكلو بطريقة حلوة
    في تمارين كتيرة قادرة تعمليها مع وزن (متل السكوات وصدر وارجل وكتاف)
    وأهم نقطة إنك تساوي التمارين ببطءءءءء مع الشهيق والزفير لأنو هدفنا هو التسمين
  • ٣- آخر شي بس تخلصي حديد بتختمي بتمارين استطالة
    يلي هي تمارين ليونة لحتى مايصير معك إصابات وشد عضلي

??‍♀بهالطريقة رح يزيد الوزن وترسميه بطريقة صحية خالية من الدهون وبتزيد معالم الأنوثة عندك

S o f i

من هنا للأطلاع على المزيد :

عن Reem

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: